Expivotal 職場心理學

明明好努力，老細仲係唔敢放手？

你以為問題在於能力 -但有時，差別喺另一個地方。你話今日覆，有冇覆？你話會跟進，有冇 follow up？你發現風險，會唔會早啲講？呢啲小事睇落好瑣碎，但造就咗信唔信得過你嘅日常證據。

 

🎙️ 新一集【職場心理學】，我哋會傾下另一個大學冇教嘅職場技巧：點解有啲人唔係最叻，但老細最放心交嘢畀佢。
🎧 點擊 Bio 連結收聽完整節目 (Apple Podcast, Spotify, YouTube)

#職場心理學 #建立信任 #職場技巧 #職場溝通 #Expivotal職場心理學

返工最攰嘅，有時唔係做。而係你努力做完之後，對方第一句係：「我其實唔係想要咁樣。」

學校會話你知功課幾時交、評分標準係咩，但職場好多時只有一句：「你自己睇住做。」

期望管理唔係多餘嘅溝通，而係幫你少啲估估下，將精力投放喺能得出結果嘅地方。

 

🎙️ 新一集【職場心理學】，我哋會傾下一個大學冇教、但返工日日都用嘅技能：點樣將「管理期望」由一句空泛嘅職場說話，變成一項真正可以用嘅技巧。

🎧 點擊 Bio 連結收聽完整節目 (Apple Podcast, Spotify, YouTube)

#職場心理學 #管理期望 #職場技巧 #職場溝通 #Expivotal職場心理學

「我會負責架啦。」

出事前，講呢句好容易。但出事後，作為領導者，你係推其他人孭鑊，定真係負責任？

做 leader 難，難在你有冇能力唔逃避、唔推責，同時又唔係自己一個人擔晒所有嘢。

 

🎙️ 新一集【職場心理學】，我哋會傾下做主管最難嘅一件事：面對危機時，應該如何處理同拆解？

🎧 點擊 Bio 連結收聽完整節目 (Apple Podcast, Spotify, YouTube)

#職場心理學 #領導力 #Accountability #職場管理 #Expivotal職場心理學

🤔「都係照我講嘅做啦。」- 你聽過幾次？

 

明明你有經驗、有成果，但老細仍然要你每一步都 update、每個小決定都要佢 approve。

然後你開始懷疑：「係咪我真係唔夠好？」

 

未必。有時候，管得太細，唔係因為你唔得，而係佢自己嘅焦慮，需要一個出口。

 

🎙️ 新一集【職場心理學】，我哋會由心理學角度拆解微觀管理，同埋可以點樣喺呢種關係裡面，重新攞返一點空間。

🎧 點擊 Bio 連結收聽完整節目 (Apple Podcast, Spotify, YouTube)

 

#職場心理學 #微觀管理 #Micromanagement #職場壓力 #Expivotal職場心理學

「邊間公司唔係咁？係你抗壓力太低啫。」

當你開始懷疑自己嘅時候，未必真係你有問題。
而係你身處嘅環境，一直喺度消耗你。

辛苦同有毒，係兩件事。
一份高壓嘅工，可以係健康嘅。
一個有毒嘅環境，會令你慢慢覺得自己冇資格離開。

 

🎙️ 新一集【職場心理學】，我哋會傾下點樣認清真正消耗你嘅工作環境，同埋可以點樣應對。

🎧 點擊 Bio 連結收聽完整節目 (Apple Podcast, Spotify, YouTube)

#職場心理學 #有毒職場 #職場壓力 #職場心理健康 #Expivotal職場心理學

📧 你今日改咗幾多次 email 嘅語氣？

明明對方做錯，但你忍口冇話「你有冇搞錯」。
明明被人打斷，但你笑笑口由得佢。
明明好不滿，但你點頭講「明白，我跟進下」。

呢啲嘢，表面睇落係「識做人」。
但其實每一件都喺度消耗你。

呢種情緒勞動，唔會出現喺 to-do list。
但會令你放工之後，攰到唔想講嘢。

 

🎙️ 新一集【職場心理學】，我哋會談談職場上嘅情緒勞動 - 點解最攰嘅，未必係表面上做最多嘢嗰個。

🎧 歡迎點擊 Bio 連結收聽完整節目 (Apple Podcast, Spotify, YouTube)。

#職場心理學 #情緒勞動 #情緒內耗 #職場壓力 #職場疲勞 #Expivotal職場心理學

「我係咪適合做 leader？」🤔

呢個問題，唔少人都問過自己。

有時真正阻住你嘅，未必係你唔夠好，
而係你仍然用以前成功嘅方式，
去處理已經唔同級數嘅工作。

你愈能幹，就愈難放手。
你愈重視關係，就愈難講應該講嘅話。
你嘅優勢，似乎喺某個位置開始，變成你嘅限制。

 

🎙️ 新一集【職場心理學】，我哋會由組織心理學角度，談談由個人貢獻者走向領導崗位嘅四個轉變。

🎧 歡迎點擊 Bio 連結收聽完整節目。

#職場心理學 #領導力 #職場成長 #自我覺察 #Expivotal職場心理學

返工好攰，但望住個 to-do list，又好像冇做過啲咩。

唔係你唔夠效率。
而係你個腦，從來冇真正收工。

記住邊個未覆、邊件事未跟、邊個 deadline 就快到 -
呢啲唔喺task list 上嘅工作，加加埋埋成為好重嘅mental load。

而最諷刺嘅係 -
佢地往往唔係落喺最空閒嘅人身上，
而係落喺最可靠、最細心、最有責任感嗰個人身上。

如果你睇到呢度，心入面浮現咗某個同事嘅樣，
或者……你發現嗰個人就係你自己，
咁今集就係為你而設。

 

🎙️ 新一集【職場心理學】，我地會談談隱形工作量，同埋點解最可靠嘅人，往往最容易過勞。

🎧 歡迎點擊 Bio 連結收聽完整節目

 

#職場心理學 #MentalLoad #職場疲勞 #隱形工作 #Expivotal職場心理學

公司以為員工唔走，就係忠心。

但你有冇諗過 -
佢可能只係暫時唔敢走？
佢可能每日返工，但個心已經遞咗辭職信？

高人工可以令人入場，但留唔住人心。

2026 年，香港企業真正要面對嘅人才問題，唔係「點樣請人」，而係「點解啲人唔想留」。

 

🎙️ 新一集【職場心理學】，我哋會拆解「留任」背後嘅心理真相，同你用另一種角度睇 Talent Retention。

🎧 歡迎點擊 Bio 連結收聽完整節目 (Apple Podcast, Spotify, YouTube)，一齊帶住心理學嘅視角，睇清人才管理嘅盲點！

#職場心理學 #人才管理 #Retention #職場管理 #Expivotal職場心理學

「得呀，我幫你睇下。」——你今日講咗幾次？

明明自己忙到死，但拒絕同事嘅說話永遠卡喺喉嚨。

你以為自己太好人，但其實你可能只係太怕拒絕其他人之後嘅感覺——

怕對方失望、怕關係變差、怕自己唔再係嗰個「可靠嘅人」。

但可靠，唔等於無限供應。喺職場上願意合作，唔等於要犧牲自己。

 

🎙️ 新一集【職場心理學】，我哋會由心理學角度，拆解點解有啲人特別難 say no，同你一起重新理解「拒絕」同「界線」呢件事。

🎧 歡迎點擊 Bio 連結收聽完整節目 (Apple Podcast, Spotify, YouTube)，一齊帶住心理學嘅視角，學識做一個有選擇地幫人嘅人！

#職場心理學 #界線 #職場人際 #職場成長 #Expivotal職場心理學